Жинс бидний өдөр тутмын хувцасны нэг болж чадсан билээ. Гэхдээ бид энэхүү хайртай хувцсаа хэрхэн арчлахаа мэддэггүйгээс болж угаалгын машин руу шидээд л, 60 бүүр 90 хэмийн халуунд угаасны дараа өнгөө хурдан алдсаныг нь хараад гайхдаг. Тиймээс энэ удаад та бүхэндээ жинс угаах хэдэн дүрмийг танилцуулах гэж байна.

- Жинсийг 40-50 хэмээс дээш халуун усанд угааж болохгүй.
- Цайруулах нунтгаар жинсийг угааж болохгүй.
- Угаахын өмнө жинсээ эргүүлж, цахилгааныг нь товчил.
- Шинэ жинс эхний угаалтаар будаг гарч болно. Энэ бол хэвийн үзэгдэл бөгөөд үүнийг жинсний чанар муу гэж хэлж болохгүй.
- Жинсийг наранд бүү хатаа.
- Жинсээ угаасны дараа шууд индүүдэж болно. Энэ үед жинс зөөлөн болж, индүүдсэний дараа шинэхэн мэт харагдана.